E tuwhera ana ki ngā kaituhi e noho ana i Aotearoa tekau mā waru ngā tau, pakeke ake.
Kaua e nui ake i te 1500 kupu. Kāore e whakaaetia ngā whakaurunga he nui ake i tēnei ngā kupu.
E pai ana kia tuhia ngā kōrero ki te reo Ingarihi, ki te reo Māori rānei.
Me ū ngā tuhinga ki te āhua o te kōrero poto, ā, me uru hoki ki te wāhanga Pakeke, ki te wāhanga Rangatahi rānei.
Kāore e whakaaetia ngā kōrero kua tāruatia, ngā tuhinga pakimaero rānei kua whakaputahia kētia, me ērā e whakaarotia ana i tēnei wā kia whakaputahia.
Kāore e whakaaetia ngā kōrero kua whai tūranga kē (arā, kua toa, kua mihia rānei) i tētahi atu whakataetae. Kāore e whakaaetia kia whakaurua ngā kōrero ki ētahi atu whakataetae kia hipa rā anō te 30 o Hune, i te tau 2023.
Kāore ngā mema o te komiti o Te Peka ki Te Tauihu o NZSA e āhei ki te uru.
Te Tuku me te Utu
Me whakatutuki ngā whakaurunga i ngā paearu hōputu e whai ake nei
- Me tuhinga A4 te rahi - Me pūrua te mokowā - Me Times New Roman te momotuhi, me te 12 te rahi o te tuhi - Me nama ngā whārangi - Ko te taitara te upoko i te whārangi tuatahi - Me kaua te ingoa o te kaituhi e kitea i te tuhinga - Me whakaingoa te kōnae ki te ingoa o te kōrero.
Tāpirihia te puka whakauru (kei raro nei) me tō kōrero hei tāpiritanga.
Ki te nui ake i te kotahi ō kōrero hei whakaurunga, me tuku ia kōrero ki tētahi īmēra motuhake.
Kia kaua e tōmuri ake i te 5 karaka i te ahiahi, hei te 31 o Mei i te tau 2023 te taenga mai o ngā whakaurunga
Mā te tuku i tētahi whakaurunga, e whakaae nei te kaituhi kia riro i Te Peka ki Te Tauihu o NZSA te mana, ehara i te mana motuhake mōna ake, ki te whakaputa i te tuhinga ki te pae tukutuku a te peka ina kuhuna te tuhinga ki te kōwhiringa whāiti o tēnei whakataetae. Tae atu ki te 10 ngā whakaurunga ki ia kōwhiringa reo ka kuhu atu ki te kōwhiringa whāiti.
E $20.00 tāra te utu mō ia whakaurunga mō te tangata e 26 ngā tau, neke atu rānei, ā, $10 mō ia whakaurunga 18-25 ngā tau . E $30 tāra atu anō te utu mō tētahi arotakenga ā-tuhi mō ia whakaurunga.
Te Whakawā
Kei te kaiwhakawā te mana i runga i ngā whakataunga, ā, kāore he kōrero i tua atu i tērā. E pūmau ana te mana o ngā kaiwhakawā ki te whakatau kia kaua e whakawhiwhia te katoa, tētahi rānei o ngā tūranga. Mēnā kāore tētahi tūranga e whakawhiwhia, ka puritia tonutia te moni paraihe, ka haumitia anō ki te whakahaerenga o ngā tohu ā te tau whai muri mai.